ڈیل ڈول

( ڈِیل ڈول )
{ ڈِیل + ڈول (و مجہول) }
( پراکرت )

تفصیلات

پراکرت زبان سے ماخوذ اسم 'ڈیل' کے ساتھ اسی زبان سے ماخوذ اسم 'ڈول' (جو پہلے کا مترادف بھی ہے) ملانے سے مرکب تکراری بنا۔ اردو میں بطور اسم استعمال ہوتا ہے۔ تحریراً ١٦٥٤ء کو "گنج شریف" میں مستعمل ملتا ہے۔

اسم کیفیت ( مذکر )
١ - جاندار کے قدو قامت کا انداز، تن و توش، قدوقامت۔
"ابرہہ کا ایک اپنا ہاتی تھا . یہ ہاتی کیا سچ مچ کا پہاڑ تھا، اتنا بڑا قد، ایسا ڈیل ڈول کہ دیکھا نہ سنا۔"      ( ١٩٨٥ء، روشنی، ٩٤ )
٢ - وضع قطع، شکل و صورت۔
"اپنے ڈیل ڈول اور حُلیے سے تو قصائی لگتے ہو۔"      ( ١٩٨٦ء، جانگلوس، ٣١١ )