نوالہ نگل جانا، کھانا کھانا، مفت کا کھانا کھانا۔"کوئی تو کلیجہ توڑ توڑ کے محنت کرے. اور کوئی بیٹھے لقمے کھائے"      ( ١٩٣٦ء، پریم چند، پریم بتیسی، ١٧١:١۔ )

کلام پاک پڑھتے پڑھتے قاری یا حافظ کا چوک جانا۔ (ماخوذ: نوراللغات)

گفتگو کے دوران ٹوکنا، بیچ میں بولنا، بات کاٹنا، دخل در معقولات کرنا۔"ایک بڑی بوڑھی نے لقمہ دیا، بیٹھا کہاں ہے بہن،خ لیٹا ہے"      ( ١٩٨٦ء جوالا مکھ، ٦٥۔ )

قرآن شریف یا کوئی اور چیز سناتے وقت صاحب قرات کی بھول چوک کی نشاندہی کرنا۔"زبانی دہرایا گیا اور جہاں ضرورت ہوئی وہاں لقمہ دیا گیا"      ( ١٩٦٩ء، نفسیات کی بنیادیں (ترجمہ)، ١٨١۔ )

رائے دینا، مشورہ دینا۔"اس نے سوچا کہ کسی مناسب موضوع کا لقمہ دینا چاہیے"      ( ١٩٨٧ء، اک محشر خیال، ١٢٤۔ )

دھوکا دینا، چکمہ دینا۔ وہ مجھ بڈھے کو لقمہ دے گیا ہے بچا کے جان اپنی لے گیا ہے      ( ١٨٦٢ء، طلسم شایان، ١٢۔ )

کسی کو کوئی بات کہہ کے دوسرے کے خلاف اکسانا، ایسی بات کہنا جو نقصان پہنچائے۔"سنگھ بابو نے اپنے مطلب کا لقمہ دے کر اس کی گرہ کھولی"      ( ١٩٨٦ء، انصاف، ٦١۔ )

منھ بھرائی دینا، رشوت دینا۔"فرانس کو بالائی برہما میں دو صوبوں کا لقمہ دے کر اپنے ساتھ ملانے کی کوشش کی"      ( ١٨٩٣ء، بست سالہ عہد حکومت، ٣٢٥۔ )

حمام میں لکڑیاں ڈالنا، بھاڑ یا تنور جھونکنا، کسی چھید میں میخ ٹھونکنا۔ (ماخوذ: فرہنگ آصفیہ، نوراللغات)

کھانا کھانا نیز کوئی کام کرنا، کسی کام کا آغاز کرنا۔"نذیر احمد بغیر مذہب کے لقمہ نہیں توڑ سکتے"      ( ١٩٨٦ء، مقالات عبدالقادر (پیش لفظ)، ١٣۔ )

بات کاٹنا، دخل دینا۔"ماما تو میاں کے پیچھے جھاڑ کر چمٹتی مگر بی بی لقمہ توڑ بول پڑیں"      ( ١٨٩٩ء، رویائے صادقہ، ٧٥۔ )