"میں جو اپنے ملک کے قدیمی آئین و قوانین کا پابند ہوں تو مجھے یہ لوگ خیال کرتے ہیں کہ پرانے فیش (وضع) کا آدمی ہوں۔"      ( ١٩٠٧ء، کرزن نامہ، ٣٠٠ )

"اپنا فرض ادا کر دینے کے بعد انہوں نے راہ سے ہٹ کر زیادہ مضبوط اور نئے فیشن کی گاڑیوں کو جگہ دے دی۔"      ( ١٩٧٠ء، قافلہ شہیدوں کا (ترجمہ)، ١٢٩:١ )

"ہمارے فیشن کے عاشق فُل بُوٹ کا انتخاب کرنیگے یہ کیوں اس لیے کہ انگریزوں کا پہناوا ہے۔"      ( ١٩٤٧ء، مضامین فرحت، ٥٦:١ )

"کومیلا کا آج کا فیشن بھی آنکھوں میں کھپا جاتا تھا خوبصورت کنارہ دار ساڑھی غضب ڈھا رہی تھی۔"      ( ١٩٣٠ء، مس عنبریں، ٧٨ )

"فارسی میں لکھتا پڑھنا عام فیشن تھا۔"      ( ١٩٥١ء، خطباتِ محمود، ٩٦ )

"اگر وہ سو برس بعد پیدا ہوتے تو ہماری زبان کا فیشن نہایت خوبصورتی سے بدلتے۔"      ( ١٨٨٠ء، آب حیات، ٢٨١ )

"فارسی تہذیب و شائستگی کی علامت سمجھی جانے لگی تھی اور جیسا کہ دستور ہے فیشن میں داخل ہو گئی۔"      ( ١٩٣٣ء، خطباتِ عبدالحق، ٥ )

"ادب اور مذہب اُنکے ہاں صرف فیشن ہو کر رہ گئے ہیں۔"      ( ١٩٧٣ء، ناصر کاظمی، خشک چشمے کے کنارے، ٤٣ )