اردو لغت - Urdu Lughat

عربی زبان سے ماخوذ اسم ہے۔ اردو میں بطور اسم، صفت اور متعلق فعل استعمال ہوتا ہے۔ تحریراً ١٧٠٧ء سے "کلیات ولی" میں مستعمل ملتا ہے۔

١ - ہمیشگی، ابدیت، ہمیشہ باقی رہنے کی حالت یا کیفیت۔

"حکومت کے قیام و دوام کے لیے ان لوگوں کی شرکت کی بہت ضرورت تھی۔" ( ١٩٠٧ء، نپولین اعظم، ٤٠٥:٤ )

٢ - پائداری، استحکام، ثابت قدمی، مستقل مزاجی۔

"اس سب کے باوجود برطانیہ نے ہندوستان پر اپنی گرفت کو کم از کم ڈیڑھ سو سال کا دوام دے دیا۔" ( ١٩٨٣ء، کوریا کہانی، ١١٦ )

١ - ہمیشہ رہنے والا، مدام، پائدار، مستقل۔

 خزاں نصیب گل برگ برگ کو مژدہ کلی کلی کو بہار دوام دیتا ہوں ( ١٩٦٢ء، پتھر کی لکیر، ٦٥ )

١ - ہمیشگی اور استمرار کے طور پر، ہمیشہ، ہر وقت۔

 سبزہ و برگ و لالہ رکھتے ہیں شوق دل میں دوام تجھ لب کا ( ١٧٠٧ء، ولی، کلیات، ١٦ )