صفت نسبتی ( مذکر - واحد )
١ - لوگوں سے زیادہ ملنے والا، جسے محفلوں میں شرکت کا شوق ہو؛ اہل مجلس، ساتھی۔
"حضرت سلیمان نے کہا کہ تم اس روز میرے ایک مجلسی کو بار بار کیوں دیکھتے تھے۔"
( ١٨٧٧ء، عجائب المخلوقات (ترجمہ)، ٩٣ )
٢ - معاشرے سے تعلق رکھنے والا، معاشرتی، سماجی۔
"ریڈیو اقتصادی اور معاشرتی مسائل کے بارے میں بیش از بیش معلومات فراہم کر کے پاکستان کی مجلسی اور ثقافتی زندگی میں ہم اآہنگی پیدا کرنے کی کوشش کرتا ہے۔"
( ١٩٨٩ء، ریڈیائی صحافت، ٢٦ )
٣ - مجلس سے تعلق رکھن, والا، مجلس سے منسوب۔
"مرثیہ ایک مجلسی فن ہے اور اس کی غرض و غایت رلانا بھی ہے۔"
( ١٩٧٦ء، سخن ور نئے اور پانے، ٥٣ )
٤ - وہ شخص جسے کسی مجلس کا بلاوہ بھیج کر بلایا ہو، بزم عزائے سید الشدائے میں شریک ہونے والا۔ (ماخوذ: فرہنگ آصفیہ؛ مہذب اللغات)
٥ - شیعی عالم ملا محمد باقر ("بجا الانوار" اور حق الیقین" کے مصنف) کا لقب۔
"مولانا دلدار علی کے تبحر علمی کی ستائش میں سینکڑوں علماء کی تحریریں موجود ہیں. علامہ شیخ احمد یمنی کا بیان ہے. اگر مجلسی اور مفید آپ کے مفید مجالس درس میں حاضر ہوتے تو "بجا الانوار" کو آپ کے دریائے علم کے پہلو میں حقیر سمجھتے۔"
( ١٩٧٥ء، لکھنؤ کی تہذیبی میراث، ٢٣٤ )