سکون و راحت پانا، لطف حاصل کرنا۔ دل ہی بنیاد مصائب کی ہے ترک دل کر کے کچھ آرام اٹھا      ( ١٩٦٢ء، ہادی مچھلی شہری، صدائے دل، ٢ )

چین مٹ جانا، سکون ختم ہونا۔ اڑ گیا اور بھی مرا آرام حال تغیر مقتضائے مقام      ( ١٨٥١ء، مومن، کلیات، ٢٤٣ )

سکون ملنا، چین پڑنا، تڑپ جاتی رہنا۔ نہ پوچھو کس قدر ہو گا عذاب آخرت اس پر شب غم جس مریض ہجر کو آرام آتا ہے      ( ١٩١٤ء، گلکدہ، عزیز، ١٢٧ )

افاقہ ہونا، شفا پانا۔"اس بدنصیب لڑکی کو کچھ کچھ آرام آنے لگا۔"      ( ١٨٩٨ء، روز الیمبرٹ، ٣٣٢ )

چین نصیب ہونا، سکھ ملنا، بے قراری دور ہونا۔ اک گھڑی کو بھی ٹھہرتے نہیں اب قلب و جگر دل کو آرام پڑے لینے جو آئیں اکبر      ( ١٩٦٥ء، منظور رائے پوری، مرثیہ، ٩ )

قیام کرنا، ٹھہرنا، سستانا۔"اس دیو نے ایک جھاڑ کے نیچے آرام پکڑا۔"      ( ١٨٠١ء، داستان امیر حمزہ، ٢٠٧ )

مصیبت کے دِن کٹنے پر چین سے بیٹھنا، اطمینان کا سانس لینا۔"باپ کی جدائی سے آرام نہ پکڑا تھا کہ نوبت تیری جدائی کی پہنچی۔"      ( ١٨٣٢ء، کربل کتھا، ٧٥ )

اطمینان ہونا، تذبذب و تامل دور ہونا۔"کوئی حجت اور علامت ہم کو دکھلاءو تاکہ ہمارا دِل آرام پکڑے۔"      ( ١٨٤٥ء، احوال الانبیا، ٥٨٣:١ )

آرام پہنچنا کا تعدیہ ہے۔"ان کی کیا بات ہے ہمیشہ آپ تکلیف اٹھائی اوروں کو آرام پہنچایا۔"      ( ١٨٩١ء، امیراللغات، ٨٥:١ )

تسکین، تسلی یا تشفی ہونا، ڈھارس بندھنا، سکون یا چین ملنا۔"اپنی تکلیف سے کسی کو آرام پہنچے تو وہ تکلیف بھی آرام ہے۔"      ( ١٨٩١ء، امیراللغات، ٨٥:١ )

چین سکھ پانا، آسائش اٹھانا۔ نالۂ دل بے اثر تھے اشک بے تاثیر تھے عشق میں آرام، میں کسی کی بدولت دیکھتا      ( ١٨٦٠ء، کیف، آئینہ ناظرین، ١٢ )

نجات بخشنا، بے چینی دور کرنا، اطمینان و سکون دینا۔"شہر اور اہل شہر کوں تمھارے فتنہ و بلا سے آرام دیا۔"      ( ١٧٣٢ء، کربل کتھا، ٢٥٥ )

آرام پہنچانا، آسائش کا خیال رکھنا، سہولتیں بہم پہنچانا۔"خدا بخش نے وہ آرام دیا کہ گھر کو بھول گئے۔"      ( ١٩٦١ء، بابائے اردو، لغت کبیر، ٢١٥:١ )

ٹھہرنے دینا، قرار دینا۔ سدا آوارگی صحرا نوردی نہ دے آرام شوق دشت گردی      ( ١٨٥١ء، مومن، کلیات، ٣٩٩ )

شفا دینا۔دوا کیے جاءو آرام دینا نہ دینا خدا کے ہاتھ ہے۔      ( ١٩٢٤ء، نوراللغات، ٨٨:١ )

چین سے بیٹھنا۔ ہر دم ہمہ تن گلرم رو راہ طلب ہیں آرام کبھی صورت دریا نہیں رکھتے      ( ١٩٠٦ء، دیوان تسلیم، ٢٠٥ )

قرار پکڑنا، سکون پانا، چین سے رہنا۔ بتلائے وہ کیا آرام ہے کیا جس نے نہ کبھی آرام کیا      ( ١٩٣٢ء، بے نظیر شاہ، کلام بے نظیر، ٣٤ )

سستانا، دم لینا۔"ذرا آرام کر لو تھکے ہوئے آئے ہو۔"      ( ١٨٩٥ء، فرہنگ آصفیہ، ١٤١:١ )

سونا، لیٹنا، استراحت کرنا۔ آرام کریے میری کہانی بھی ہو چکی کرنے لگو گے ورنہ عتاب و خطاب اب      ( ١٨١٠ء، میر، کلیات، ٨٥٦ )

ہم صحبت ہونا۔ مردوا مجھ سے کہے ہے چلو آرام کریں جس کو آرام وہ سمجھے ہے وہ آرام ہو نوج      ( ١٨١٨ء، انشا، کلیات، ١٩١ )

صحت بخشنا، فائدہ پہنچانا، اچھا کرنا۔"کس دوا نے آرام کیا۔"      ( ١٨٩٥ء، فرہنگ آصفیہ، ١٤١:١ )

آسائش مٹا دینا، بے چین کر دینا۔ آرام اس سخن نے غریبوں کے کھو دیے زینب تڑپ کے رہ گئی شبیر رو دیے      ( ١٩١٢ء، شمیم، مرثیہ (قلمی نسخہ)، ٦ )

سکون و اطمینان کا لطف حاصل کرنا، چین پانا۔ کھینچا نہ میں چمن میں آرام یک نفس کا صیاد تیری گردن ہے خون اس ہوس کا      ( ١٧٨٠ء، سودا، کلیات، ١١:١ )

سستانا، آرام لینا۔"آرام لینا . اگلے شاعر اس کی جگہ آرام کھینچنا استعمال کرتے تھے۔"      ( ١٨٩٥ء، فرہنگ آصفیہ، ١٤١ )

راحت نصیب ہونا، چین حاصل ہونا۔ تم جو کہتے ہو یہ باور نہیں ہوتا مجھ کو اس تسلی سے تو ملتا نہیں آرام مجھے      ( ١٩١٩ء، نقوش مانی، ٨٢ )

حرکت کرنے سے روکنا، بے قرار کو قرار بخشنا۔"یہ بول کر جیب کو بہت سرایا ہور اسے آرام میں لایا۔"      ( ١٨٢٤ء، انوار سہیلی، (دکنی اردو کی لغت، ٣) )

آرام کرنا کا فعل لازم۔"آتشکی امراض بغیر اوس کے خاص علاج کے آرام نہیں ہوتے۔"      ( ١٩١٢ء، کلیات علم طب، ٤٣٠:٢ )

امن و امان قائم ہونا، (بد امنی کے بعد) سکون ہونا۔ ڈاکوں سے وہ مقام جو بدنام ہو گیا چوکی پولس کی ڈال دی آرام ہو گیا      ( ١٩٣٦ء، جگ بیتی، ٢٩ )