اسم نکرہ ( مذکر - واحد )
١ - گناہ، اس فعل کا ارتکاب جو مذہب یا قانون میں ممنوع ہو یا اس فعل کا ترک جس کا حکم ہو۔
"ایسے آدمی کا تو منہ دیکھنا پاپ ہے۔"
( گوشہ عافیت، ٤٦:١، ١٩٢٢ )
٢ - قصور، جرم۔ (شبد ساگر، 2955:6؛ فرہنگ آصفیہ، 472:1)
ہیں کھویا آپ جس کے وہ اک کاغذ کی ناؤ آپ لے ڈوبیں گے جس کو بھر کے بھارت بھر کے پاپ
( چمنستان،١٩٣٨ء، ١٩٠ )
٣ - بدنیتی، کھوٹ۔
"اس کے من میں - کچھ پاپ ہے۔"
( شبد ساگر،١٩٤٩ء، ٢٩٥٥:٦ )
٤ - وبال، جنجال، عذاب، آفت۔
"گئی گھر سے بلا،۔ پاپ سر سے ٹلا۔"
( خوبصورت بلا،١٩٠٩ء، ٨٩ )
٥ - نقصان، برائی، خرابی۔ (شبد ساگر، 2955:6؛ فرہنگ آصفیہ، 472:1)