"ڈراینگ روم میں بھونپو والا آلہ فوٹو گراف مع قوالیوں نعتوں تھیٹر کی چیزوں اور غزلوں کے ریکارڈوں کے انبار کے موجود تھا"      ( ١٩٧٦ء، سالنامہ نقوش، لاہور، جنوری، ٦٤ )

"کیا خدا نہ کرے بیچ ڈالنے کی نیت ہے . چیز صندوقچے نہ پڑی رہی مہاجن کے پاس رکھی رہی"      ( ١٨٦٧ء، مراۃ العروس، ١٤٣ )

"سکھیاں ایک صف میں کھڑی ہو کرنا ٹک کی تصنیف کی ہوئی کوئی چیز گائیں"      ( ١٩٥٧ء، لکھنو کی شاہی اسٹیج، ٩٠ )

"دیکھیں تو سہی تم ہو کیا چیز? جس شخص کی یہ راہ نہ ہو وہ حکمت میں کوئی چیز نہیں"      ( ١٩٢٥ء، حکمۃ الاشراق، ١٣ )

"اجی حضرت ہمیں تو بھوک لگی ہے، چیز دو"      ( ١٩١١ء، قصہ مہر افروز، ٣٢ )

"جب بڑی چیز کہیں گی تو قرآن شریف سے مراد ہو گی"      ( ١٩٢٦ء، نوراللغات، ٥٧٦:٢ )

"آپ تو ہماری چیز ہیں ہم سے بچ کر کہاں جائیں گے"      ( ١٨٩٢ء، سفرنامہ روم و مصر و شام، ١١٩ )