اسم نکرہ ( مذکر - واحد )
١ - ایک چیز کی دوسری چیز سے پیوستگی یا مناسبت یا قربت، باہمی تعلق۔
"تصریحات لغت کے علاوہ تاریخی قرینہ نہایت قوی موجود ہے۔"
( ١٩٠٤ء، مقالاتِ شبلی، ٢٢٩:١ )
٢ - قیاس، اندازہ، علامت۔
"قرینے سے معلوم ہوتا ہے کہ ٹوٹ گیا ہو گا اس لیے تاروں سے جوڑ دیا ہو گا۔"
( ١٩١٤ء، سیرت النبیۖ، ٢٠٢:٢ )
٣ - ڈھنگ، وضع، طور طریق، انداز، علامت، طریقہ۔
صرف تھوڑا سا ملاوٹ کا قرینہ چاہیے چائے کی پتی سے کٹ سکتا ہے بندے کا جگر
( ١٩٨٦ء، قطع کلامی، ١٠٧ )
٤ - موزونیت، سلیقہ، ترتیب۔
"انھوں نے . زندگی میں امکان کی حد تک ایک قرینہ اور ترتیب پیدا کرنے کی کوشش کی۔"
( ١٩٨٢ء، آتش چنار، ١٩٧ )
٥ - حقے کے نیچے کی چھوٹی لکڑی جس کے ذریعے دھواں حقے میں جا کر نیچے سے باہر نکلتا ہے۔
"حقے کے اجزا اور اسباب کے نام یہ ہیں . قرینہ۔"
( ١٨٤٨ء، توصیفِ زراعات، ١٣٤ )