آونگ

( آوَنْگ )
{ آ + وَنْگ (ن غنہ) }
( فارسی )

تفصیلات

فارسی زبان میں اسم جامد ہے اردو میں اصلی حالت اور اصلی معنی میں ہی مستعمل ہے۔ سب سے پہلے ١٨٤٥ء میں مطلع العلوم (ترجمہ) میں مستعمل ملتا ہے۔

اسم نکرہ ( واحد )
١ - وہ رسی جو صحن وغیرہ میں باندھتے اور اس پر عموماً کپڑے لٹکا کر سکھاتے ہیں، الگنی۔
"آونگ واؤ مفتوح سے ایک رسی ہوتی ہے جس پر کپڑا ڈال دیتے ہیں اور ہندی میں اس کو الگنی کہتے ہیں۔"      ( ١٨٤٥ء، مطلع العلوم (ترجمہ)، ١٩١ )
٢ - [ طب ]  زخمی ہاتھ کو سہارا دینے کے لیے گلے میں لٹکی ہوئی پٹی۔
"پیش بازو کو ایک آونگ میں لٹکا کر سہارا دیا جاتا ہے۔"      ( ١٩٤١ء، جبیریات، ٢٧:٢ )