"شیخ وہ شخص جس کی عمر ساٹھ اور اسی کے درمیان ہو۔"      ( ١٩٨١ء، فن تاریخ گوئی اور اس کی روایت، ١١٦ )

"خانہ بدوش قوموں کے سرگروہ کو الخان، البیگ، والی، سردار یا شیخ کہتے ہیں۔"      ( ١٨٨٨ء، حسن، اگست، ٧ )

"ایسی محبت اور ایسی جاں نثاری کا خیر مقدم میں نے نہ کسی شیخ قبیلہ کا اس کے قبیلے میں کبھی دیکھا نہ کسی بادشاہ کو اپنی رعایا میں ہو سکتا ہے۔"      ( ١٩١٩ء، جویائے حق، ٢٥:٢ )

"جس راز کے معلوم کرنے کی تمنا ارسطو، افلاطون، شیخ بوعلی اور رازی تک اپنے ساتھ قبر میں لے گئے۔"      ( ١٩٣٤ء، ہمدرد صحت، جولائی، ١٠٥ )

"امام سخاوی نے اپنے شیخ کا یہ سراپا تحریر کیا ہے۔"      ( ١٩٦٨ء، المعارف، اپریل، ٢٦٣ )

"شیخ، سید، سید صاحب، . وغیرہ بیسیوں الفاظ نے . اصطلاحی حیثیت حاصل کر لی تھی۔"    ( ١٩٢٢ء، مقالات ماجد، ٢٣ )

"برعظیم میں کسی غیر مسلم خانوادے سے جو لوگ دائرۂ اسلام میں داخل ہوئے ان کے نام کے ساتھ شیخ کا لفظ استعمال کیا جاتا رہا ہے۔"    ( ١٩٧٣ء، دیوانِ دل (مقدمہ)، ٩١ )

 میری مینائے غزل میں تھی ذراسی باقی شیخ کہتا ہے کہ ہے یہ بھی حرام اے ساقی      ( ١٩٣٥ء، بال جبریل، ١٧ )

 نہیں پانی تو میخانے میں اے شیخ جو کچھ موجود ہے لاؤں وضو کو      ( ١٩١٧ء، کلیات حسرت موہانی، ١٣٣ )