صحابی

( صَحابی )
{ صَحا + بی }
( عربی )

تفصیلات

صحب  صَحابی

عربی زبان میں ثلاثی مجرد کے باب سے مشتق اسم ہے۔ عربی سے اردو میں من و عن داخل ہوا اور بطور اسم استعمال ہوتا ہے۔ اردو میں سب سے پہلے ١٦٣٨ء کو "چندر بدن و مہیار" میں مستعمل ملتا ہے۔

اسم نکرہ ( مذکر - واحد )
جنسِ مخالف   : صَحابِیَہ [صَحا + بی + یَہ]
جمع   : صَحابَہ [صَحا + بَہ]
جمع استثنائی   : اَصحاب [اَص + حاب]
جمع غیر ندائی   : صَحابِیوں [صَحا + بِیوں (و مجہول)]
١ - وہ شخص جو حضور صلی اللہ علیہ وسلم کی خدمت میں باریاب ہوا ہو اور مسلمان کی حیثیت میں وفات پائی ہو۔
"ایک مرتبہ حضور اکرم صلعم مسجد نبوی میں بیٹھے ہوئے تھے . ایک صحابی نے ایک طرف ہو کر نماز پڑھی اور آکر صحابہ کے ساتھ بیٹھ گئے۔"      ( ١٩٨٥ء، روشنی، ٥٩ )