اسم نکرہ ( مذکر - واحد )
١ - کسی بڑے برتن سے پانی نکالنے کا ڈنڈی دار پیالے کی شکل کا چھوٹا ظرف (حسب ضرورت چھوٹا اور بڑا اور کسی دھات، ناریل کے خول یا تونبے سے بنایا جاتا ہے)، مگا۔
"پانی نکالنے کے ڈونگے ان پر ہر وقت موجود رہیں۔"
( ١٨٧٤ء، مجالس النسا، ٨٥:١ )
٢ - برتن جس میں شوربا وغیرہ دسترخوان پر چنتے ہیں، ڈونگی، گہرا پیالہ۔
توانائی ہے اور پُھرتی ہے جسکے دست و بازو میں پلیٹ اس کی ہے چمچہ اس کا ہے ڈونگا اسی کا ہے
( ١٩٨٦ء، قطع کلامی، ٥٩ )
٣ - کھانے کی وہ قسم جو قاعدے کے مطابق بیچ میں پیش کی جائے۔ (پلیٹس)
٤ - لکڑی کا بڑا چمچہ، کونڈا۔ (جامع اللغات)
٥ - [ مجازا ] احمق، بے وقوف، بونگا۔
"گھنٹہ بھر سے سمجھا رہے ہیں تمہاری سمجھ ہی میں نہیں آتا آدمی ہو کہ ڈونگا۔"
( ١٩٦٨ء، مہذب اللغات، ٣٧٧:٥ )
٦ - ایک وضع کی چھوٹی کشتی، بجرا، ڈونگی۔
"ڈونگا پانی پر تیرتی ہوئی ایک کشتی کو کہتے ہیں جس میں رہنے سہنے کی سہولیات ہوتی ہیں۔"
( ١٩٨٢ء، آتش چنار، ٢٩٣ )