اسم مجرد ( مذکر - واحد )
١ - عدم استقرار، برقرار نہ رکھنا یا باقی نہ رہنا، ساقط کرنا یا ہونا، حذف کرنا یا کیا جانا، ہٹانا یا ہٹایا جانا، نظرانداز یا معاف کرنا یا ہونا۔
"زوائد کے حذف و اسقاط کے بعد ان کی اشاعت ہم پر فرض ہے۔"
( ١٩٢٥ء، اودھ پنچ، لکھنو، ١٠، ٢، ٥ )
٢ - (حمل کا) گرنا یا گرانا
"چھمی جان کے جانے کے ساتویں دن میرے ہاں اسقاط ہوا۔"
( ١٩٥٦ء، ہمارا گاؤں، ١٤٤ )
٣ - [ فقہ ] وہ رقم جو فقرا و مساکین کو میت کے فرائض و واجبات کے عوض وارثوں کی طرف سے دی جائے۔ فدیہ۔
٤ - [ شعر ] تقطیع میں کوئی حرف دبا کر پڑھا جانا، کسی حرف کو دبا کر یا گرا کر وزن پورا کرنا۔
"سیہ بختی میں یاے تحتانی کا اسقاط نہ چاہیے۔"
( ١٩٠٠ء، امیر، مکاتیب، ١٥٠ )
٥ - [ اصول حدیث ] درمیان سلسلۂ رواہ سے ایک یا دو راویوں کا ساقط ہونا، سلسلۂ رواہ منقطع ہونا، تعلیق۔ (مشکواۃ شریف (ترجمہ)، 8:1)