انتساب

عربی زبان سے مشتق اسم ہے۔ اردو میں بطور اسم ہی استعمال ہوتا ہے اور تحریراً ١٧٨٠ء کو "آیات بینات" میں مستعمل ملتا ہے۔

جمع : اِنْتِسابات [اِن + تِسا + بات]

جمع غیر ندائی : اِنْتِسابوں [اِن + تِسا + بوں (و مجہول)]

١ - لگاؤ، تعلق، منسوب کیا جانا۔

 صحیفہ عشق کا کرتا ہے جب کوئی تصنیف وہ میرے نام سے اب انتساب ہوتا ہے ( ١٩٢٣ء، انجم کدہ، ٦٠ )

٢ - رشتہ، رشتہ داری۔

"یہ لوگ اپنے تئیں عربی النسل کہتے ہیں اور اس انتساب پر ان کو فخر ہے۔" ( ١٨٩٢ء، سفر نامہ روم و مصر و شام، ١٣٢ )

٣ - کسی تصنیف یا تالیف کو کسی کے نام سے معنون کرنے کا عمل (انگریزی) ڈیڈیکیشن۔

"دنیا کے سب سے بڑے عملی انسان خیر البشر حضور سرور کائناتۖ کے حضور ہیں۔" ( ١٩٤٠ء، برق و باراں، سرورقِ کے بعد )