اردو لغت - Urdu Lughat

فارسی زبان سے ماخوذ اسم ہے۔ اردو میں بطور اسم اور صفت استعمال ہوتا ہے اور تحریراً ١٦١١ء کو "کلیات قلی قطب شاہ" میں مستعمل ملتا ہے۔

١ - ہارا ہوا، شکست کھایا ہوا، بازی ہارا ہو۔

"مینہ اس قدر برسا کہ برسات کی بارش کو مات کر دیا۔" ( ١٨٤٥ء، حکایتِ سخن سنج، ٤٩ )

٢ - [ مجازا ] بے رونق، ہیچ، بے رنگ، ماند۔

"ایک نوجوان لڑکی نکلی . جس کے چہرے کے آگے سورج مات تھا۔" ( ١٩٤٠ء، الف لیلہ و لیلہ، ٦:١ )

٣ - عاجز، تنگ۔

 مقید میں مقید ہے تیری ذات نہیں ہوتا کسی خانہ میں تو مات ( ١٩١١ء، کلیات اسمعیل، ٨ )

٤ - حیران، ششدر نیز الجھا ہوا، پریشان۔ (پلیٹس)

جمع : ماتیں [ما + تیں (یائے مجہول)]

جمع غیر ندائی : ماتوں [ما + توں (و مجہول)]

١ - مر گیا، موت؛ (مجازاً) شکست، ہار، بازی کی ہار۔

"یہ تمہاری مات اور میری جیت ہے امیلیا۔" ( ١٩٩١ء، قومی زبان، کراچی، دسمبر، ٧٤ )

٢ - شطرنج میں کشت (شہ) کے بعد بادشاہ کو اگر کوئی بچنے کی جگہ نہیں ملتی تو اس کو مات کہتے ہیں۔

 الٹنے کو ہے مدّعی کی بساط بس اب دوسری چال میں مات ہے ( ١٩٤٢ء، سنگ و خشت، ٣٩٦ )