صفت ذاتی ( واحد )
١ - اعتبار کیا گیا، قابل اعتماد، بھروسے کا، (مجازاً) راز کے کام کرنے والا شخص۔
ہرا بو الہوس ہے معتبر و خاپیاں ہر راہزن ہے راہبر و میر کارواں
( ١٩٨٩ء، اس شہر خرابی میں، ٣٢ )
٢ - لائق احترام، معزز، بلند مرتبہ۔
"اس بات کے کہہ دینے سے کہ راوی اس کے معتبر ہیں کوئی طمانیت اور یقین نہیں ہو سکتا۔"
( مضامین سر سید، ٣٧ )
٣ - بلند مرتبہ۔
سلام ان پر نہیں عالم میں جن سا معتبر وہی وہ ہیں خدا کے بعد، قصۂ مختصر
( ١٩٩٣ء، زمزمہ درود، ١١٤ )
٤ - [ مجازا ] مستحسن، پسندیدہ، لائق تعریف۔
مجھ سوں مت کہہ لباس کی کچھ بات معتبر نئیں ہے عاشقی میں لباس
( ١٧٠٧ء، ولی، کلیات، ٩٥ )
٥ - [ کنایہ ] ارفع، بلند، وقیع (کسی کام کے لیے مستعمل)۔
"بعد الحاق ان کے والد اور چچا دونوں انگریزوں کی ملازمت میں اعلٰی اور معتبر خدمات پر سرفراز ہوئے۔"
( ١٩١٢ء، چند ہمعصر، ٦٨ )
٦ - سچا، درست، ٹھیک، مستند۔
"غالب کی بات ان کے عہد میں نہ سہی ان کے بعد بہت معتبر اور قابل توجہ ٹھہری ہے۔"
( ١٩٩٥ء، نگار، کراچی، مارچ، ٧٥ )