اردو لغت - Urdu Lughat

عربی زبان میں ثلاثی مجرد کے باب سے مشتق اسم ہے۔ اردو میں بطور صفت، گاہے اسم اور شاذ متعلق فعل مستعمل ہے۔ ١٧٩١ء کو "طوطی نامہ" میں مستعمل ملتا ہے۔

١ - مخبر، وہ لوگ جنھیں پوشیدہ خبر رسانی کے لیے رکھا گیا ہو، جاسوسوں کی جماعت۔

"اپنی خفیہ سے مینجروں کے چال چلن اور ان کی ایمان داری کے متعلق رپورٹیں سنتے۔" ( ١٩٤٦ء، آگ، ١٥٩ )

٢ - خفیہ پولیس۔

"مخلص ورکر اور خفیہ کے جاسوس سب یہیں جمع ہوتے ہیں۔" ( ١٩٦٣ء، جگنو اور ستارے، ١٢٠ )

١ - پوشیدہ، چھپا ہوا، درپردہ۔

"بچہ . بزرگوں سے چھپ کر خفیہ خزانے کی تلاش کو جا رہا تھا۔" ( ١٩٨٣ء، خانہ بدوش، ١٠٠ )

١ - چھپ کر، پوشیدہ طور سے۔

"٢ شعبان ٢٠٢ھ کو . فضل بن سہل ایک حمام میں خفیہ قتل کر دیا گیا۔" ( ١٩٧٥ء، تاریخ اسلام، ندوی، ٩٩:٣ )