عامیانہ

( عامْیانَہ )
{ عام + یا + نَہ }
( عربی )

تفصیلات

عام  عام  عامْیانَہ

عربی زبان سے مشتق اسم 'عام' کے ساتھ 'ی' بطور لاحقۂ نسبت لگانے سے 'عامی' کے ساتھ 'انہ' بطور لاحقۂ صفت لگانے سے 'عامیانہ' بنا۔ اردو میں بطور صفت مستعمل ہے۔ اور سب سے پہلے ١٩٠٧ء کو "نپولین اعظم" میں مستعمل ملتا ہے۔

اسم نکرہ ( واحد )
١ - عام لوگوں کا، جہلا یا کم علم عوام کا، جاہلوں جیسا، معمولی، غیر اہم۔
"مجھے تعجب ہوا کہ محض علمی کتابیں عامیانہ ناولوں سے زیادہ کیونکر بِک سکتی ہیں۔"      ( ١٩٨٦ء، نیاز فتح پوری شخصیت اور فکرو فن، ٥٠ )
٢ - عام، رائج، مقبول عام، عوامی، عوام سے تعلق رکھنے والے۔
"میرے اخبار میں ہر قسم کے عامیانہ مذاق کے مضامین . درج ہوتے تھے۔"      ( ١٩١٩ء، بہادر شاہ کا مقدمہ، ٦٩ )