"حیاتِ جاوید کی اشاعت پر جب میں نے سوال بالا کیا تو کہاں "سید محمود بہت خوفناک آدمی ہیں"۔"      ( ١٩٢٥ء، مقالاتِ شروانی، ٤٢٣ )

 مانگنے کے واسطے بھی شرط ہے حُسنِ طلب ہو سوال اچھا تو سائل کو ملے اچھا جواب      ( ١٩٣٢ء، نظیر، کلامِ بے نظیر، ٤٢ )

"سوال اور سرقہ کا مرض تکلیف دہ حد تک پایا جاتا، افسوس کہ ترکوں کی عقیدت مندی اس کی اصلاح نہ کر سکی۔"      ( ١٩٢٦ء، مسئلہ حجاز، ١١٦ )

"یہ سوال گزران کر امیدوار ہوں کہ بموجب تصریح مندرجہ بالا تجویز مقدمے کی فرمائی جاوے۔"      ( ١٨٤٨ء، تاریخ نثر اردو، ٣٦٨:١ )

 کیا ہے جس نے کمر میں تیری سوال اے دوست ہوا ہے غیب سے آوازۂ جواب بلند      ( ١٨٤٦ء، آتش، کلیات، ٢٣٣ )

"انگریزوں کے لیے ایران کے ساتھ دوستی کا سوال بڑی اہمیت اختیار کر گیا تھا۔"      ( ١٩٦٧ء، اردو دائرہ معارف اسلامیہ، ٦٥٣:٣ )

"سُنتی ہوں انہوں نے اپنی شادی چند سوالوں پر موقوف کر رکھی ہے۔"      ( ١٨٩٠ء، فسانۂ دلفریب، ٣٣ )