 جہاں جا بیٹھے اوٹھیے نہ تاحشر اوس کے کوچے سے گرادے جس جگہ لغزش پڑے رہیے وہیں برسوں      ( ١٩٠٣ء، نظم نگاریں، ٩٨ )

 پائے طلب کے واسطے کوئی نئی زمین بتا وادی مہر و ماہ تو لغزش نیم گام ہے      ( ١٩٤٦ء، طیور آورہ، ١١٩ )

"کہیں راستے کی گرد نے نظر کو دھندلا، تصور کو داغ دار، قدم کو لغزش پر آمادہ نہیں کیا۔"    ( ١٩٨٨ء، آج بازار میں پایہ جولاں چلو، ٧١ )

"اگر عورت چاہتی تو اپنے قدم کی ادنٰی سی لغزش سے وہ اس اتفاق کا سارا شیرازہ درہم برہم کر سکتی تھی۔"    ( ١٩١٦ء، گہوراۂ تمدن، ١٧٩ )

"جنرل کی معمولی سی لغزش کی پاداش میں شہزادی کو فرانس سے اور جنرل کو کابینہ سے نکلنا پڑا۔"      ( ١٩٨٨ء، تذکرۂ استخبارات، ٢٧٢ )

"آدم کی لغزش معاف ہوئی۔"      ( ١٩٨٤ء، طوبٰی، ٣٩٢ )

"میرے کلام میں روانی ضرور ہے مگر لغزشوں سے خالی نہیں۔"      ( ١٩٨٤ء، مقاصد و مسائل پاکستان، ٢٢٣ )