اوجھل

سنسکرت زبان کا لفظ 'اگوچر' سے 'اوجھل' بنا۔ اردو میں بطور اسم اور صفت استعمال ہوتا ہے اور تحریراً ١٦١١ء کو "کلیات قلی قطب شاہ" میں مستعمل ملتا ہے۔

١ - پیچھے، آڑ میں، عقب میں، پردے میں۔

 چھپا رہتا ہے سلطان بند گان خاص کی اوجھل اگر وہ خود نظر آئے تو پھر بندہ نما کیوں ہو ( ١٩٦٠ء، آتش خنداں، ١٩١ )

١ - غائب، پوشیدہ، پنہاں، چھپا ہوا، نگاہوں سے دور۔

 جو سامنے اب تک آئے نہیں کیوں دھیان میں آئے جاتے ہیں آنکھوں سے ابھی تک اوجھل ہیں اور جی میں سمائے جاتے ہیں ( ١٩٣٨ء، سریلی بانسری، ٧٠ )

١ - جو حائل کسی چیز کو دیکھنے میں مانع ہو، اوٹ، آڑ، حجاب، پردہ۔

"پیچھے سے جا کر دیکھو تو دم کی اوجھل میں مور نظر ہی نہیں آتا۔" ( ١٩١٠ء، آزاد، اردو کی دوسری کتاب، ٨ )