آسیب دور کرنا، بھوت پریت اتارنا، وہم سے نجات دلانا۔ جو سر چڑھا نظر سے گرایا اسے تلے جس طرح سر سے سایہ، عامل اتار دے      ( ١٩١٥ء، ذکر الشہادتین، ١٤١ )

والدین کا انتقال ہو جانا، سرپرستی سے محروم ہونا۔ لگی ہے آگ سی دل میں کدھر جاءوں کیوں کس سے چھٹی ہوں گود سے ماں کی اٹھا ہے باپ کا سایہ      ( ١٩٢٧ء، گلدستہ عید، ٤ )

سائے کی طرح ساتھ لگا رہنا، ہر وقت ساتھ رہنا، کسی وقت جدا نہ ہو۔ عشق کا کل سے نہ چھوٹے گی کبھی جان جلیل عمر بھر ساتھ رہے گا ترے سایہ بن کر      ( ١٩٤٦ء، جلیل (نور اللغات، ١٩٤:٣) )

بزرگورں اور والدین کا زندہ رہنا، سرپرستی قائم رہنا۔ (ماخوذ: جامع اللغات)

چھتر چھانا، چھاءوں کرنا۔"اور سایہ کیا ہم نے تم پر ابر کا اور اتارا تم پر من اور سلویٰ۔"      ( ١٩١٧ء، ترجمہ قرآن الحکیم، مولانا محمود الحسن، ١٣ )

منڈلانا، گھیرے رہنا، اردگرد چکر کاٹنا۔"اداکار بھی ڈرامے کی تصنیف کے وقت مصنف کے قلم پر سایہ کئے ہوئے ہوتے ہیں۔"      ( ١٩٨٦ء، کشاف تنقیدی اصطلاحات، ٨٢ )

حد درجہ مہربان ہونا، انتہائی مشفق ہونا، محافظ ہونا، لطف و کرم کا فراواں ہونا۔"کسی آدمی سے متاثر ہو کر زندگی کا رویہ بدلنا اسی صورت میں ممکن ہے جب دوسرا شخص اتنا قدآور اور اس کا سایہ اتنا گھنا ہو کہ اس کی بلندی کا انکار اور سائے کی ٹھنڈک سے مزار اپنی ذات کی نفی معلوم ہو۔"      ( ١٩٨٧ء، افکار، کراچی، نومبر، ١٧ )

عکس نہ ہونا، پر چھائیں نہ ہونا۔ سایہ کی صورت رہا کرتے تھے حیدر ساتھ ساتھ اس لیے شاید رسول اللہ کا سایہ نہ تھا      ( مشہور (مہذب اللغات، ٣٣٣:٦) )

کسی شے کا مطلق نشان نہ ہونا۔ لکھ جو چکا پھر کہیں سایہ نہ تھا عقل یہ کہتی تھی کہ آیا نہ تھا      ( ١٨٨٤ء، قدر (مہذب اللغات، ٣٣٣:٦) )

پرچھانواں پڑنا، عکوس پڑنا، پر تو پڑنا۔ میرا سایہ گر طلا پر جا پڑے وہ خاک ہو اے بشر مجھ سے حذر کر، بخت نامسعود ہوں      ( ١٩٢٧ء، شاد عظیم آبادی، میخانۂ الہام، ٢٤٠ )

سورج غروب ہونے کو ہونا، شام قریب ہونا۔"شام کے وقت جب زمین کی سطح پر سایہ پھیل چکا ہوتا ہے وہ آسمان پر پرندوں کو دیکھتی ہے۔"      ( ١٩٨٧ء، افکار، کراچی، ستمبر، ٥١ )

سایہ گھٹنا، سایہ دور ہونا۔ اے رشک شوق دیکھ کہ سایہ تور چڑھ گیا ہم سر پٹک کے رہ گئے دیوار کے قریب      ( ١٩٠٥ء، کلیات رعب، ٦٨ )

آسیب بھگانا، سایہ اتارنا، تو ہم سے نجات دلانا۔"موراں نے وستی رام کو بلایا اور کہا کہ میری والدہ کا سایہ دور کردے۔"      ( ١٨٦٤ء، تحقیقات چشتی، ٧٤٥ )

متاثر کرنا، اثر ڈالنا، زیر اثر کرنا۔"آنے والے واقعات بھی میرے باطن پر اپنا سایہ ڈال رہے تھے۔"      ( ١٩٨٢ء، آتش چنار، ٦١٦ )

دھوپ کوا ختم ہونا، سایہ پھیلنا، شام ہونا۔"اب ایمپائر کا سایہ ڈھل رہا تھا۔"      ( ١٩٨٧ء، شہاب نامہ، ٢٨٠ )