بال اور پر نکلنا جسم امام پاک پہ تیر اس قدر لگے فطرس کے بادشاہ کو یہ بال و پر لگے      ( ١٩١٢ء، شمیم، مرثیہ، ١٤۔ )

رفتار میں تیزی آ جانا، قوت پرواز پیدا ہو جانا۔ آغا مری تلاش کو کیا بال و پر لگے لے پہنچی حشر میں بھی مجھے یار کی تلاش      ( ١٨٧٨ء، آغا، دیوان، ٥٥۔ )

ہوش سنبھالنا، نشوونما پانا، اڑنے کے قابل ہونا، طاقتور ہونا۔"حکومت کی نوازش سے اس زبان نے خوب بال و پر نکالے ہیں"      ( ١٩٤٣ء، مقالات گارسان دتاسی (ترجمہ)، ١٤٩:٢ )

پر پرزے جھاڑنا، ہمت یا جسارت کرنا۔ گلی میں اس پری رو کی کیا ہے عزم اڑنے کا نکالا مرغ دل نے بال و پر آہستہ آہستہ      ( ١٧٣٩ء، کلیات سراج، ٤٠٣۔ )

شوخی یا گستاخی کرنا، شرارت یا فتنہ انگیزی کرنا۔ (پلیٹس: جامع اللغات، ٣٩١:١)

ہمت ہارنا۔ شہباز جاں نے ڈال دے تھک کے بال و پر قابو ملا نہ مرغ جنوں کے شکار کا      ( ١٩٠٠ء، دیوان حبیب، ٩۔ )

اڑنے کا ارادہ کرنا، پر تولنا۔ تب ہوئی کچھ جھجک ہماری دور اور ہم نے بھی بال و پر کھولے      ( ١٩١١ء، کلیات اسماعیل، ٢٣٥۔ )