عربی زبان میں ثلاثی مجرد سے صیغۂ اسم فاعل مشتق ہے۔ اردو میں عربی سے ماخوذ ہے اور بطور اسم صفت اور گاہے بطور اسم مستعمل ملتا ہے۔ ١٦٠٩ء میں "قطب مشتری" میں مستعمل ملتا ہے۔
١ - [ فقہ ] وہ لڑکا جس میں تین باتوں میں سے ایک بات پائی جائے : پندرہ برس کی عمر، زیر ناف سخت بالوں کی روئیدگی یا احتلام؛ وہ لڑکی جس میں تین باتوں میں سے ایک بات پائی جائے : نو برس کی عمر، زیرناف سخت بالوں کی روئیدگی یا ماہواری۔
"اخطل نے پوچھا کہ تیری لڑکیاں کہاں ہیں سعید نے کہا اب وہ بالغ ہو گئی ہیں۔"
( ١٩٠٤ء، مقالات شبلی، ١٢١:١ )
٢ - [ قانون ] اٹھارہ برس کا لڑکا یا سولہ برس کی لڑکی۔
"لڑکی بالغ ہے اور اپنی مرضی سے لڑکے کے ساتھ گئی ہے اس لیے اغوا کا کیس نہیں چلایا جا سکتا ہے۔"
( ١٩٥٣ء، سہ روزہ، مراد، ٣، ٣:٧ )
٣ - [ تصوف ] مرید صادق جو اپنی خودی اور خودنمائی سے بالکل علیحدہ ہو۔ (مصباح التعرف لارباب التصوف، 57)