اسم حاصل مصدر ( مذکر - واحد )
١ - جلوس، نشست، بیٹھنا۔
"جب کسی امیر کے پاس جاتے تھے تو دیر تک وہاں اجلاس نہ فرماتے۔"
( ١٨٦٤ء، تحقیقات چشتی، ١٩ )
٢ - سلطنت کے منصب پر تقرر، حکمرانی کا عہدہ سنبھالنے کا عمل۔
"امیر معاویہ نے . دمشق میں تخت سلطنت پر اجلاس کیا۔"
( ١٩١٤ء، شبلی، ملاقات، ١٥٤:٦ )
٣ - (بادشاہ یا امیر کا ایوان حکومت میں درشن دینے یا داد رسی کے لیے) دربار۔
"بادشاہ سلامت تخت سلطنت پر بیٹھے ہوئے اجلاس فرما رہے ہیں۔"
( ١٨٨٢ء، بوستان تہذیب (ترجمہ)، ٣٢ )
٤ - (مشاورت وغیرہ کے لیے) بیٹھک، جلسہ، اجتماع۔
"اسی کانفرنس کے اجلاس میں مسودہ کی بسم اللہ ہوئ۔"
( ١٩٣٥ء، چند ہم عصر، ١٦٥ )
٥ - کچہری، عدالت، تصفیہ معاملات کے لیے حاکم کے بیٹھنے کی جگہ۔
"میں کتابوں کا پشتارہ بغل میں مار ڈپٹی صاحب کے اجلاس پر پہنچ گیا۔"
( ١٩٤٤ء، ایک نواب صاحب کی ڈائری، ١١٤ )