"دعا کیجیے کہ عمرہ، حج اور زیارت روضۂ اقدس نصیب ہوں۔"    ( ١٩٢٩ء، خطوط محمد علی، ١٥٩ )

"اسے خواب میں حضور اکرم صلی اللہ علیہ وسلم کی زیارت نصیب ہوئی۔"    ( ١٩٨٥ء، طوبٰی، ١٦٨ )

"دکن کے مسلمان مذکور الصدر رسم کو زیارت کے نام سے موسوم کرتے ہیں اس موقع کے لیے لفظ پھول کا ان کے ہاں کوئی مفہوم نہیں۔"      ( ١٩٤٣ء، اصطلاحات پیشہ وراں، ١٤٥:٧ )

 مشہور ہو گئی ہے زیارت شہید کی خوں گشتہ آرزو کا بنا ہے مزار دل      ( ١٨٧٨ء، گلزار داغ، ١٣١ )

 اب حشر میں تو کیجیو اکبر کی زیارت دنیا سے اٹھی آج پیمبرہ کی زیارت      ( ١٨٧٥ء، دبیر، دفتر ماتم، ٧٢:٦ )

 مضمون زیارتوں میں بھی رونے کا ہے تمام ہر سطر مرثیہ ہے ہر اک لفظ ہے سلام      ( ١٨٧٥ء، دبیر، دفتر ماتم، ١٠٥:٤ )

"ان تمام اخراجات سے جو کچھ بچ جاتا ہے وہ زیارت کے روز کھچڑی پر خرچ ہوتا ہے۔"      ( ١٩٠٥ء، عصر جدید، فروری، مارچ، ١٠٩ )