اردو لغت - Urdu Lughat

سنسکرت سے اردو میں اصل ساخت اور مفہوم کے ساتھ داخل ہوا۔ بطور اسم استعمال ہوتا ہے سب سے پہلے ١٥١٨ء کو "مشتاق بحوالہ ، اردو" میں مستعمل ملتا ہے۔

اسم نکرہ ( مذکر - واحد )

جمع غیر ندائی : پَھلوں [پَھلوں (و مجہول)]

١ - چھلکے سے منڈھی بیج اور گودے سے بھری وہ شے جو اپنی فعل کے زمانے میں اپنے درخت کی شاخوں یا بیل سے اُگتی اور عموماً بغیر پکائے کھائی جاتی ہے، ثمر، میوہ، بار۔

 ہیں تیرے سبزہ زار بھی غیرت دہ ارم ہر رت کے پھول پھل یہاں ملتے ہیں بیش و کم ( ١٩٢٩ء، مطلع انوار، ٤٧ )

٢ - کسی آلے میں لگا ہوا لوہے کا دھار والا حصہ۔

"جھری کا پھل ذرا موٹا ہونا چاہیے" ( ١٩٤٧ء، جراحیات زہراوی، ٩ )

٣ - ہل کا وہ حصہ جو زمین کھودتا ہے، پھالی، پھال۔ (فرہنگِ آصفیہ؛ نوراللغات)

٤ - نتیجہ، حاصل، انعام۔

"یہ اس کے وسیع مطالعہ کا پھل تھا" ( ١٩٧٦ء، حافظ اور اقبال، ١٠ )

٥ - عوض، صلہ، (جزا یاسزا)۔

"یہ ہے پاگیزگی اخلاق کا پھل" ( ١٩٤٣ء، تاریخ الحکما، ٢٣ )

٦ - فائدہ، لطف۔

 صد شکر ہوئیں کو شیش احباب کی مشکور پھل دیکھنے نیت کے ہوں گر ان کی تو آو ( ١٩١٤ء، حالی، کلیات، نظم حالی، ٤٤:١ )

٧ - آل اولاد۔

"تین پھل تو اسی بکھت ہونے چاہیں جن میں ایک پتر دو پتری یوں تین اولاد ہیں تیرے" ( ١٩١٠ء، راحت زمانی، ٤٠ )