سلوک کے بدلے خود بھی سلوک کرنا۔"ان کے گھر شادی ہو گی تو ہم بھی ان کا احسان اتار دیں گے۔"      ( ١٨٩٦ء، امیراللغات، ٨٩:٢ )

احسان اتارنا سے فعل لازم۔"تھوڑا سا روپیہ خرچ ہو گیا تو بلا سے، اوچھے کا احسان تو اتر گیا۔"      ( ١٩١٠ء، دیباچہ، مکاتیب امیر، ١٠٥ )

کسی کے نیک سلوک کا بوجھ اپنے سر لینا، زیر بار منت ہونا۔ اٹھا نہ شیشہ گران فرنگ کے احساں سفال ہند سے مینا و جام پیدا کر      ( ١٩٣٥ء، بال جبریل، ١٩٨ )

احسان اٹھانا سے فعل لازم۔ کیا جو کہنے سے کسی کے وہ بنے دوست جلال کسی دشمن کا نہ اٹھے گا یہ احساں ہم سے      ( ١٩٠٣ء، نظم نگاریں، ١٦٠ )

(اپنی بڑائی دکھانے کے لیے) سلوک کر کے اس کا اظہار کرنا، اظہار احساں۔"میرے رفیق کی پڑھائی کا احسان نہ جتایا کیجیے۔"      ( ١٩٢٤ء، انشائے بشیر، ١٠٥ )

کسی کے ساتھ نیک سلوک کرنا۔ قاتل کے ہاتھ سے نہ سبکدوش ہم ہوے سر تیغ سے اتار کے احسان دھر گیا      ( ١٩١٥ء، جان سخن، ١٤ )

احسان کرنا، نیکی کرنا، کسی کے ساتھ سلوک کرنا۔"اگر سب کسی درویش کو دیتے اس پر احسان نہ رکھتے۔"      ( ١٨٧٣ء، مطلع العجائب (ترجمہ)، ٧ )

شکرگزار ہونا، ممنون ہونا۔ آئی مشکل میں ہمارے کام تو آئی یہی مانتے ہیں آپ کی تلوار کا احسان ہم      ( ١٩٣٦ء، شعاع مہر، ٢١٦ )

باعث شکرگزاری ہونا۔ اے اجل ایک دن آخر تجھے آنا ہے و لے آج آتی شب فرقت میں تو احسان ہوتا

خدا کا شکر ہے۔ (فرہنگ اثر، ١٣٧)

اپنوں سے غیروں کا احسان لینا بہتر ہے (خزینۃ الامثال، ٤٠، نجم الامثال، ٤٦)