 خلوتوں میں روئے گی چھپ چھپ کے لیلائے غزل اس بیاباں میں نہ اب آئے گا دیوانہ کوئی      ( ١٩٧٢ء، دیوان، ناصر کاظمی، ٥٦ )

"بجائے سپاہیوں میں رہنے اور ان سے ملنے جلنے کے ایک خلوت کے مقام میں بیٹھا رہتا۔"      ( ١٩٢٦ء، شرر، مضامین، ٧١:٣ )

"جب بادشاہ خلوت سے باہر آوے اور اول نظر باز پر پڑے تو میمنت کا سبب جانا جاوے۔"    ( ١٨٨٣ء، میدگاہ شوکتی، ١٣ )

"جب مرید صادق خلوت میں داخل ہو تو پوری طرح اپنی دنیا سے باہر نکل آئے غسل کامل کر کے نماز پڑھنے کی جگہ اور کپڑے پاک ہوں۔"    ( ١٩٧٤ء، انفاس العارفین، ٣٢٥ )

"اسے دیکھ کر وہ پسیجا اور مجھ سے کہا کہ میں تم سے خلوت میں مل کر باتیں کروں گا۔"      ( ١٨٩٧ء، تاریخ ہندوستان، ٢٣٤:٦ )

"بعض درویش . بارہ دن تک متواتر بیاد گاری بارہ امام علی صرف خشک روٹی اور پانی پر قناعت کرتے ہیں . اس خاص رسم کو خلوت کہتے ہیں۔"    ( ١٨٨١ء، کشاف اسرار المشائخ، ٢٧٣ )

 خلوت کسی سے ہو تو دو عالم سے ہاتھ اٹھاؤں اس عالم حوالہ و تحویل کے لیے      ( ١٩٦٧ء، غزال و غزل، ١٢٥ )

"اس قسم کا کوئی رواج نہ ہونے کی صورت میں شادی مکمل ہو گی اگرچہ کہ خلوت نہ ہوئی ہو۔"      ( ١٩٤١ء، قانون و رواج ہنود، ١٥١:١ )

 بیداری شب ہے کچھ نہ ہے صوم دوام خلوت لیکن در انجمن ہے غمگین      ( ١٨٣٩ء، مکاشفات الاسرار، ٥٢ )