ڈگری

( ڈِگْری )
{ ڈِگ + ری }
( انگریزی )

تفصیلات

Degree  ڈِگْری

انگریزی زبان سے اسم 'decree' کا مؤرّد ہے۔ جو اردو میں بطور اسم استعمال ہوتا ہے۔ تحریراً سب سے پہلے ١٨٦٣ء میں "انشائے بہار بے خزاں" میں مستعمل ملتا ہے۔

اسم نکرہ ( مؤنث - واحد )
جمع   : ڈِگْرِیاں [ڈِگ + رِیاں]
جمع غیر ندائی   : ڈِگْرِیوں [ڈِگ + رِیوں (و مجہول)]
١ - [ قانون ]  جائیداد پر قبضہ کرنے یا اپنا روپیہ یا کسی حق کو حاصل کرنے کا سرکاری حکم، فیصلہ۔
"عدالت عظمٰی میں عدالت عالیہ کے کسی فیصلہ ڈگری، فیصلہ کن حکم یا سزا کے خلاف اپیل کی جاسکے گی، اگر فصیلہ ڈگری یا قطعی حکم باالواسطہ یا بلاواسطہ کسی ایسے دعوے یا کسی ایسے مسئلۂ جائیداد سے متعلق ہے جس کی رقم یا مالیت بھی اتنی (پچاس ہزار) ہی ہے۔"      ( ١٩٧٣ء، اسلامی جمہوریہ پاکستان کا آئین، ١٣٢ )