 جی چاہتا ہے ہوکے مخاطب بیان کروں اوصاف ایسے شاہِ کرامت خصال کے      ( ١٨٥٤ء، دیوانِ ذوق، ٢٩٩ )

"ان کے سینکڑوں مرید تھے اور ہر جگہ ان کی کرامتوں کا چرچا تھا۔"    ( ١٩٨٤ء، طوبٰی، ٤٩٧ )

 دایم بزبان دل لے اللہ کا نام رکھ کشف سے کچھ غرض کرامت سے نہ کام    ( ١٨٣٩ء، مکاشفات الاسرار، ٣٩ )

 نعمت عشق بٹتی ہے لے لے مستحق ہو جو اس کرامت کا      ( ١٨٤٦ء، کلیات آتش، ٢٢١:٢ )

 ثبوتِ کرامت کتابیں مری ہے مقصود و مطلوب کشف الظُّنون      ( ١٩٦٩ء، مزمور میر مغنی، ١٨٦ )

 حضرتِ دل ہم تو جب جانیں کرامت آپ کی کھا کے دھکے روز اس گھر سے عدو نکلا کرے      ( ١٨٥٤ء، دیوانِ ذوق، ٢٣٢ )

"احیاء العلوم میں یہ خاص کرامت ہے کہ جس مضمون کو ادا کیا ہے . فلسفہ و حکمت کے معیار سے کہیں اترنے نہیں پاتا۔"      ( ١٩٠١ء، الغزالی، ٦٧:٢ )

 یہ ہماری سعی پیہم کی کرامت ہے کہ آج صوفی و ملا ملوکیت کے بندے ہیں تمام      ( ١٩٣٨ء، ارمغان حجاز، ٢١٥ )