اسم نکرہ ( مذکر - واحد )
١ - فرزند، پسر، پوت۔
بیٹا وہ بری ہو جس کی خصلت ہے باپ کے حق میں طوق لعنت
( ١٩٢٧ء، تنظیم الحیات، ١٩٠ )
٢ - [ مجازا ] شاگرد، ہر کم سن لڑکا، بھتیجا، بھانجا، داماد، پیار کے موقع پر پالتو جانور سے تخاطب کا کلمہ ماخوذ : فرہنگ آصفیہ، 460:1 ماخوذ : نوراللغات، 774:1 ماخوذ : پلیٹس
٣ - پیار میں بیٹی سے تخاطب کا کلمہ۔
"اصغری گئی، مولوی صاحب نے کہا، کیوں بیٹا اب انتظام کون کرے"
( ١٨٦٨ء، مراۃ العروس، ١٧٧ )
٤ - [ تحقیرا ] وہ شخص جس کی ناطاقتی اور بے حیثیتی کا اظہار مقصود ہو۔
"جب اصلیت کا سامنا کرنا پڑا تو بیٹا چیں بول گئے"۔
( ١٩٥٦ء، آگ کا دریا، بانو قدسیہ، ٦٨٢ )