 عدو جھوٹا ہے ہم جھوٹے ہیں یہ نیچی نظر جھوٹی تمہارے سامنے کوئی بھی سچا ہو نہیں سکتا      ( ١٩٠٥ء، گفتار بیخود، ٢٣ )

"آپ میرے سچے دوست ہیں۔"      ( ١٨٨٠ء، فسانہ آزاد، ٢٨٢:٢ )

"ڈوپٹے کو سچے گوٹے کا دو دو انگل چوڑا حاشیہ لگا تھا۔"      ( ١٩٨١ء، سفر در سفر، ١٣٤ )

 حشر میں دیدار کا وعدہ ہوا، ہم مرگئے ایسی سچی بات کا تھا بس یہی سچا جواب      ( ١٩٣٢ء، بے نظیر شاہ، کلام بے نظیر، ٤٢ )

"مجھے درویشوں سے جس قدر عقیدت. ہے اسی قدر اس گستاخ کو ان سے عداوت اور انکار ہے اور سچ یہ ہے کہ سچا یہی ہے۔"      ( ١٩٣٠ء، اردو گلستان، ٩٧ )

"اللہ رب العزت اور اس کے حبیب سے ان کا رشتہ سچا تھا۔"      ( ١٩٨٩ء، جنگ، کراچی، ٦جنوری II )

"کوئلے چٹخے سچے کوٹلے تھے اور ایک چنگاری میرے انگرکھے پر گری۔"      ( ١٨٨٩ء، سیر سہار، ٢١٣:١ )

"ضرورت ہے صرف تھوڑے استقلال اور بیٹھک کے سچے ہونے کی۔"      ( ١٩٧٠ء، غبار کارواں، ٩٥ )