"محدثین کے نزدیک . راوی زبان عربی کا جاننے والا اور اسلوب کلام میں ماہر، ترکیبوں کے خواص اور مفہومات خطاب سے واقفیت رکھتا ہو"      ( ١٩٥٦ء، مشکوٰۃ شریف (مقدمہ)، ٩:١ )

"السلام علیکم" مسلمانوں کا ذریعۂ خطاب ہے اس کے معنی ہیں کہ تم سلامت رہو۔"      ( ١٩١٣ء، سی پارہ دل۔ ١٨٩:١ )

"اس نے ایک اور خلعت سرفرازی کی مجھے بخشی اور خطاب دیا"    ( ١٨٠٢ء، باغ و بہار، ١٧٦ )

"خطاب: بادشاہ، امیر یا کسی جماعت اور طبقے کی طرف سے صلۂ خدمت کے طور پر عطا کیا جاتا ہے جیسے قائداعظم، محسن الملک . اورنگ زیب"    ( ١٩٧٢ء، اردو قواعد، شوکت سبزواری، ١٢ )

"مقدمۂ القاب . کی . دوسری قسم خطاب ہے جیسے نواب صاحب اور راجہ صاحب اور خان صاحب اور رانی صاحبہ اور بیگم صاحبہ"    ( ١٨٦٣ء، انشائے بہار بے خزاں، ٢٥ )

"سرسید. کی ہنسی اڑائی گئی، کافر، ملحد، لامذہب، دجال، کرسٹان کے خطاب دیئے گئے"    ( ١٩٣٥ء، چند ہم عصر، ٢٣٥ )

"اسم خاص کی ذیلی قسمیں علم، خطاب، لقب، عرف اور تخلص کرتے ہیں"      ( ١٩٧٠ء، اردو سندھی کے لسانی روابط۔ ٣٥٣ )

 کیا یہ بے تابی خطاب و کلام زندگی خود ہے اک پیام خموش    ( ١٩٦٥ء، شبنمستان، ٥٢ )

 آپ ہو یا تم دونوں میں تکلف کے خطاب مشرب عشاق میں تو جو مزہ ہے تو میں ہے    ( ١٨٧٢ء، محامد خاتم النبین، ١٣٣ )

"آپ مسئلہ ذات کے متعلق اگر ایک مضمون لکھ کر بھیج دیں تو آپ کو پی ایچ ڈی کا خطاب دیا جائے"      ( ١٩١٠ء، مضامین چکبست، ٣٠٦ )