کھیل کا بگڑ جانا، کھیل ہارنا۔"بازی کا ہر جانا بالکل یقینی ہے"      ( ١٩٣٢ء، احیائے ملت، ١٤۔ )

بازی لگانا کا فعل لازم ہے۔"میری موجودگی میں بازی نہ لگنے پائی"      ( ١٩٤٤ء، سوانح عمری و سفرنامہ (حیدر)، ٢٤٣۔ )

سبقت لے جانا، حریف سے بڑھ جانا، مقابل کو شکست دینا۔"وہ تمام لوگوں سے بازی لے گیا"      ( ١٩٤٥ء، الف لیلہ و لیلہ، ٤٣٤:٦۔ )

ہار جانا، شکست ہونا، ناکامی ہونا؛ تدبیر کارگر نہ ہونا۔ یہ چال بھی جب سیدھی نہ پڑی رانا کی بازی مات ہوئی      ( ١٩٢٩ء، مطلع انوار، ٩١۔ )

کامیاب ہو جانا، جیت جانا۔"ولیم: پیانو بھی سیکھ لیا ہے! مسز گارڈن: سچ! تب تم نے بازی مار لی، جنی گانے میں ماہر ہے"      ( ١٩٣٣ء، روحانی شادی، ١٥۔ )

کامیابی ہونا، حسب مراد کام ہونا۔"دوپرانے چتھڑے گئے تو گئے بارے بازی تو تو اب صاحب کے ہاتھ رہی"      ( ١٨٩١ء، ایامٰی، ٥٨۔ )

(کسی کا) شکست کھانا، مغلوب ہو جانا۔ وہ زیب گلو یہ زینت سر یوں بھی یہ ہے اس سے برتر کیا ہار سے بازی ہارا ہے سورج کا سہرا پھولوں کا      ( ١٩٣٦ء، شعاع مہر، ١٨٦۔ )

گنجفے یا شطرنج وغیرہ کے کھیل میں مشغول ہونا۔ (ماخوذ: نوراللغات، ٥٣٧:١)

کوئی چیز داءو پر لگانا۔ جو کھیلی عشق کی بازی تو ہارے تخت و تاج نہ تام گنجفہ لے میں ترا غلام ہوا      ( ١٨٦١ء، کلیات اختر، واجد علی شاہ، ٤٠۔ )

کسی کھیل کا پورا داءو ختم کرنا۔ ہزاروں بازیاں دھوکے میں اس دم باز سے کھیلیں جو ہیں جانباز باز آتے نہیں وہ عشق بازی سے      ( ١٨٦١ء، کلیات اختر، واجد علی شاہ، ٨٠٩۔ )

چال چلنا، فریب دینا، تدبیر لڑانا۔"اٹلی اور اسٹریا میں دونوں اپنی اپنی بازی کھیلنا چاہتے تھے"      ( ١٩٢٥ء، تاریخ یورپ جدید، ٥٨٤۔ )

برابر (یا تقریباً برابر) کا کھیل ہونا۔"بازی لڑی ہوئی ہے یوں ہی انیس بیس کا کھیل ہے"      ( ١٩٧٥ء، سہ ماہی، اردونامہ (بشیر علی کاظمی)، ٢٣٥:٥٠۔ )

ہار جیت پر کچھ رقم وغیرہ طے کرنا، شرط لگانا۔"مثل ہے کہ ایک خرگوش اور ایک کھچوا باہم بازی لگا کر چلے"      ( ١٨٥٩ء، رسالۂ تعلیم النفس، ٣٠:١ )

کھیل خصوصاً شطرنج میں ہار کی صورت نظر آنا، ناکامی کے آثار پیدا ہونا۔"پہلے تو خوب چیف منسٹر کے مخالف شیخوں کے ہاں دوڑ دوڑ کر جاتے تھے اور اب بازی دبتی دیکھی تو لگے بغلیں جھانکنے"      ( ١٩٥٢ء، سہ روزہ مراد، خیرپور، ٧جون، ٢۔ )

دھوکا دینا۔"جانوروں کی پرستش کرنے والوں سے شیطان نے بازی کی"      ( ١٨٦٦ء، تہذیب الایمان، (ترجمہ)، ٥٩١۔ )

کھیلنا، دل بہلانا، چھیڑ چھاڑ کرنا، مقابلہ کرنا۔"ان کو بیچ کر اس کے واسطے جوز. خریدوں تاکہ ان سے بازی کرے"      ( ١٩٢٤ء، تذکرۃ الاولیا، (ترجمہ)، ٣٣١۔ )

مات کھاتا، ہار جانا۔ ہیں جو دلالی پیشگان شریر بازی کھاتا ہے ان سے چرخ اثیر      ( ١٨١٠ء، بحرالمجت، ٥٨۔ )

فریب میں آنا۔ گر کہیے نہ غیر کے دموں میں آءو دیکھو باز آءو تم نہ بازی کھاءو      ( ١٨٠٩ء، جرات، کلیات، ٢٤٥۔ )

کھیل میں پتوں اور مہروں کا سامنے آنا، مہرہ چلنے کے لیے خانے کا خالی ہونا؛ حقیقت یا اصلیت کا سمجھ میں آنا۔ شاطر کا چلے مکر نہ یاں حیلہ طرازی تقدیر جو سیدھی ہو تو کھل جاتی ہے بازی      ( ١٩١٢ء، شمیم، مرثیہ،٤۔ )

جیتے ہوئے کا ہارنا یا ہارے ہوئے کا جیتنا۔ ہمدم نہیں وہ تیرا کہ اس سے نہ دم سازی دل ہار چکا اب تو کسی طور پھرے بازی      ( ١٧٨٥ء، حسرت، جعفری علی، کلیات، ٣١٢۔ )

کھیل میں بامراد ہونا؛ شرط جیتنا، مقابلے میں غالب ہونا۔ جب قول وفا ہار چکا میں تو پھر اب کیا جیتے ہوئے ہیں آپ تو بازی مرے دل کی      ( ١٩٢١ء، اکبر، کلیات، ٩٣:١۔ )

کامیابی حاصل ہونا، غلبہ پانا، غالب آنا۔ کھیل سمجھے وہ اسے بھی جان پر کھیلے جو ہم ہو گئی کمزور بازی چڑھ کے یہ کیا ہار ہے      ( ١٩٠٥ء، یادگار داغ، ١٧٥۔ )

کھیل میں طوالت ہونا؛ ہوتے ہوتے معاملے میں رکاوٹ پیدا ہونا۔"بازی پر تو کسی کا بس نہیں چلتا، اڑی تو اڑی"      ( ١٨٩٩ء، دریائے صادقہ،٧۔ )

گنجفے اور تاش کے ایک کھیل کی پہلی بازی میں میر یا تصویر کا نہ ہونا۔ جب نہ ہو شاہ تو ویراں نہ ہو اکبر کیوں ملک گنجفے میں بھی ہے بے شاہ کی بازی ابتر      ( ١٨٩٦ء، تجلیات عشق، اکبر، ٤٧١۔ )

معاملہ بگڑ جانا۔ موسٰی جو کہیں سے آئے پھر کر دیکھا تو یہاں ہے بازی ابتر      ( ١٩٦٠ء، آتش خنداں، ٢٨٥۔ )