کاتب

( کاتِب )
{ کا + تِب }
( عربی )

تفصیلات

کتب  کاتِب

عربی زبان میں ثلاثی مجرد کے باب سے مشتق اسم فاعل ہے۔ عربی سے اردو میں حقیقی معنی و ساخت کے ساتھ داخل ہوا اور بطور اسم اور صفت استعمال ہوتا ہے۔ سب سے پہلے ١٥٦٤ء کو "دیوان حسن شوقی" میں مستعمل ملتا ہے۔

صفت ذاتی
صفت ذاتی
جمع استثنائی   : کاتِبِین [کا + تِبِین]
١ - حمد نگار، مداح، حمدو ثنا لکھنے والا۔
 پتہ پتہ کاتب تیرا ذرہ ذرہ طالب تیرا      ( ١٩٨٤ء، الحمد، ٢٤ )
٢ - معتمد، سیکرٹری۔
"مشہور و معروف استاتذہ سے فارس میں تعلیم پائی پھر دربار شریفی میں کاتب (سیکرٹری) مقرر ہو گیا۔"      ( ١٩٦٧ء، اردو دائرہ معارف اسلامیہ، ٥٩:٣ )
٣ - عالم، فاضل۔ (جامع اللغات)
٤ - ستارہ عطارد۔ (جامع اللغات؛ اسٹین گاس)
اسم نکرہ ( مذکر - واحد )
اسم نکرہ ( مذکر - واحد )
جنسِ مخالف   : کاتِبَہ [کا + تِبَہ]
جمع استثنائی   : کاتِبِیْن [کا + تِبِین]
جمع ندائی   : کاتِبو [کا + تِبو (واؤ مجہول)]
جمع غیر ندائی   : کاتِبوں [کا + تِبوں (واؤ مجہول)]
١ - لکھنے والا شخص، جس نے کوئی چیز لکھی یا نقل کی ہو، منشی، محّرر۔
"حضرت علی کرم اللہ وجہہ اس صلح نامے کے کاتب تھے۔"      ( ١٩٦٣ء، محسن اعظم اور محسنین، ٦٣ )
٢ - کتابت کا پیشہ کرنے والا، کتابت کرنے والا، خوشنویس۔
"ممکن ہے مخطوطے کے کاتب نے اپنی طرف سے یہ تبدیلی کر دی ہو۔"      ( ١٩٨٢ء، تاریخ ادب اردو، ٢، ٥٩:١ )