اسم نکرہ ( مذکر - واحد )
١ - وہ ظرف یا شے وغیرہ جو عضو اور کسی چیز کے درمیان کام لینے کا واسطہ اور اوزار ہو، جیسے : جلتا ہوا کوئلہ اٹھانے کا آلہ (دسپنا) یا حجامت بنانے کا آلہ (استرہ) وغیرہ۔
"پہلے خالی آلہ رکھو پھر اس سے معتدل طور پر مص کرو۔"
( ١٩٤٧ء، جراحیات زہراوی، ١٨٤ )
٢ - کسی صنعت و حرفت یا فن میں کام دینے والا اوزار یا کَل۔
ایک آلہ ہے کہ رکھتے ہیں دل ماؤف پر دوڑ جاتا ہے رگوں میں اس کا تریاقی اثر
( ١٩١٠ء، جذبات نادر، ١٥٨ )
٣ - قطع و برید حرب و ضرب یا دفاع کا ہتھیار
"کوئی درندہ جانور آ جائے تو تمھارے پاس دفع کرنے کا کیا آلہ ہے۔"
( ١٨٩٢ء، عمر و عیار کی سوانح عمری، ٦٦ )
٤ - ذریعہ، وسیلہ۔
"وہ اپنے شوہروں کو حظ نفس کا ایک آلہ تصور کرتی تھیں۔"
( ١٩١٦ء، بازار حسن، ٢١ )
٥ - عضو (جو نظام جسمانی میں کسی خاص کام کا وسیلہ اور ذریعہ ہو)، جیسے آلہ تنفس۔
"آلہ ہاضمہ کے باب میں جاننا چاہیے کہ معدہ بعض وقت متاثر ہوتا ہے۔"
( ١٨٦٠ء، نسخہ عمل طب، ٢٢١ )