ظلم سہنا، جوروجفا برداشت کرنا۔ ستم کیا کیا اٹھائے ہم نے تیرے، ناتواں ہو کر ہمیں کچھ امتحاں میں پورے اترے نیم جاں ہو کر      ( ١٩٠٣ء، نظم نگاریں، ٥٨۔ )

شدید ظلم یا تشدد کرنا، سخت آزار پہنچانا، حشر برپا کرنا۔"اورنگ زیب نے. پر کیا کیا ستم توڑے"      ( ١٩٨٢ء، آتش چنار، ٦٤٩ )

بہت ظلم یا تشدد کرنا، حشر برپا کرنا، شدید صورت حال پیدا کرنا۔ بلاکش ہو گئے آخر بلا گرداں تھے سب جن کے ستم خوردہ ہیں وہ بھی ستم ڈھانے کے قابل تھے      ( ١٩٨١ء، حرف دل رس، ٤٨۔ )

کوئی عجیب بات یا انوکھا کام کرنا۔"ہپی لڑکا ناجی کی شاعری میں کھل کھیلتا. ستم ڈھاتا بانکپن دکھاتا. ہے"      ( ١٩٨٢ء، تاریخ ادب اردو، ٢٤٨:١،٢ )

ایک تکلیف یا پریشانی پر دوسری تکلیف یا پریشانی، ظلم پر ظلم، ایذا پر ایذا۔"کوہ و کمر کا حسن اور اس کے ساتھ ساتھ بھوک کی ارزانی، اور ستم بالائے ستم تنگ نظری"      ( ١٩٨٦ء، فیضان فیض، ٣٢۔ )