صفت نسبتی
١ - بلندی سے منسوب : اوپر کا، بلندی کا، کوٹھے یا آسمان وغیرہ کا۔
"دلیر دھونکل : خیر ہے یہ بلا بالائی کہاں سے آئی۔"
( ١٩٠١ء، عشق و عاشقی کا گنجینہ، ١٣ )
٢ - سطح کے اوپر کا۔
"مٹی سے مراد کرۂ امرض کا بالائی چھلکا ہے۔"
( ١٩٠٦ء، تربیت جنگلات، ٢١ )
٣ - سطحی، اوپری، جس میں گہرائی نہ ہو، معمولی۔
"ان کی تعلیمات محض بالائی ثابت ہوتی ہیں۔"
( ١٩٠٨ء، اساس اخلاق، ٢٠٠ )
٤ - غیر معمولی، جو معمول کے علاوہ ہو، مقررہ اور معتاد سے مزید اضافی، اوپر کا۔
"بالائی اخراجات اور انتظامی مدات کے صرفے میں کفایت ہوتی ہے۔"
( ١٩٧١ء، دوسرا پنج سالہ منصوبہ، ٢٨٤ )
٥ - (محفوظ کے علاوہ) اوپر رکھا ہوا۔
"وہ چور جو کہنہ مشق تھے جو کچھ بالائی پایا لے کر بھاگ گئے۔"
( ١٨٥٠ء، فوائدالنساء، ٥٦ )
٦ - شمالی۔
"بالائی ہندوستان کی افواج متعینہ کے پاس ان لوگوں کے پیغام بھیجے تھے۔"
( ١٩٠١ء، سیتا (ترجمہ)، ٣/٢ : ٦ )