اردو لغت - Urdu Lughat

فارسی زبان کے مصدر 'خلیلدن' سے حاصل مصدر 'خلش' بنا۔ اردو میں بطور اسم مستعمل ہے۔ ١٧٩٤ء کو "جنگ نامہ دو جوڑا" میں مستعمل ملتا ہے۔

١ - چبھن؛ کھٹک۔

 غضب کہ لٹ گئی دولتِ غم محبت کی نہ اب خلش رہی باقی نہ درد باقی ہے ( ١٩٨٣ء، حصار انا، ١١٢ )

٢ - رنج، فکر، الجھن، پریشانی۔

"ایک اندرونی اضطراب اور خلش سے اس کے چہرے پر تشنج کے اثرات پھیل گئے۔" ( ١٩٨٣ء، ساتواں چراغ، ١١٦ )

٣ - خصومیت، بغض، کینہ، رنجش۔

 دشت میں باعثِ ایذا ہیں ستم گار بہت آبلوں سے مرے رکھتے ہیں خلش خار بہت ( ١٩٠٧ء، دفتر خیال، ٣٥ )

١ - خلش مٹانا

فکرو تردد یا پریشانی دور کرنا۔ جو تھیں منتظر گھر پہ ماں اور دادی فلش ان کے دل کی بھی آکر مٹا دی ( ١٩٠٩ء، مظہر المعرفت، ٨ )