"اسی وجہ سے ان کی شہادت خصوصاً ناقابلِ اعتماد ہوتی ہے۔"    ( ١٩٦٩ء، نفسیات کی بنیادیں، ٦٣ )

"اس بات کا التزام کیا گیا کہ جو شخص کوئی آیت پیش کرتا تھا اس پر اوروں کی شہادت لی جاتی۔"    ( ١٩٠٤ء، مقالاتِ شبلی، ١٨:١ )

"میں بغیر ثبوت کے اس کی بات نہ مانتا اور شاید یہ شہادت اسے دستیاب نہ ہوئی ہوتی تو وہ میری معلومات میں اضافہ نہ کر سکتا۔"    ( ١٩٨٧ء، حصار، ١٥٥ )

"ہمیں اس مقام پر لے گیا جہاں عزیز بھٹی کی شہادت ہوئی تھی۔"      ( ١٩٨٧ء، آخری آدمی، ١٢٨ )

"مرثیے کو آٹھ حصوں میں تقسیم کیا جاتا ہے۔ (١) چہرہ، شہادت، بین۔"      ( ١٩٨٥ء، کشاف تنقیدی اصطلاحات، ١٧١ )

"اللہ وہ ہے کہ کوئی اِلٰہ نہیں اس کے سوا غیب و شہادت کو جاننے والا، رحمٰن اور رحیم۔"      ( ١٩٦٧ء، اردو دائرہ معارفِ اسلامیہ، ١٥٧:٣ )

"آپ نے مختصر سی حمد اور کلمۂ شہادت پڑھا۔"      ( ١٩٢٣ء، سیرۃ النبیۖ، ٤٧٢:٣ )

"بحالت تکوین تصورات کی شہادت اس چیز میں بھی ملتی ہے جسے ہم جی، ایچ لوئس کی زبان میں "ماقبلی ادراک" کہ سکتے ہیں۔"      ( ١٩٣١ء، نفسیاتی اصول، ٢٥٩ )