عربی زبان میں ثلاثی مجرد کے باب سے مشتق اسم ہے۔ اردو میں عربی سے ماخوذ ہے اور اصلی حالت اور اصل معنی میں بطور اسم مستعمل ہے۔ ١٦٤٩ء میں "خاورنامہ" میں مستعمل ملتا ہے۔
جمع غیر ندائی : حَدِیثَوں [حَدی + ثوں (واؤ مجہول)]
١ - بات، بیان، ذکر، حکایت۔
"حدیث کے لفظی معنی اس کلام یا قصے کے ہیں جو بیان کیا جاتا ہے۔"
( ١٩٧٦ء، معارف القرآن، ٥٥١:٧ )
٢ - [ حدیث ] آنحضرتۖ کا قول فعل یا تقریر یعنی جو کچھ جناب رسولِ خدا نے اپنی زبان مبارک سے ارشاد فرمایا یا خود کیا یا جو فعل آپ کے سامنے ہوا اور آپ نے اس سے منع نہیں کیا۔
"آنحضرت صلی اللہ علیہ وسلم نے حدیث کا لفظ اپنے کلام کے لیے خود پسند فرمایا۔"
( ١٩٧١ء، اردو دائرۂ معارف اسلامیہ، ٩٦٢:٧ )
٣ - نئی چیز، نئی بات۔
"حدیث کے بنیادی معنی ہیں کوئی خبر یا کوئی بیان (یا کوئی نئی بات)۔"
( ١٩٧١ء، اردو دائرۂ معارف اسلامیہ، ٩٦٢:٧ )
٤ - خبر۔
"لفظ حدیث کے بنیادی معنی ہیں کوئی خبر یا کوئی بیان - خواہ مذہب سے متعلق ہو یا دنیاوی معاملات سے۔"
( ١٩٧١ء، اردو دائرہ معارف اسلامیہ، ٩٦٢:٧ )
٥ - حدیث کا علم، علم الحدیث۔
"فقہ، حدیث، تفسیر - اور قانون کون ایسا علم و فن ہے جو اردو میں نہیں ہے۔"
( ١٩٦١ء، البرامکہ، ٢٧ )