نہایت بے چین ہونا، بہت پریشان ہونا، سخت رنج و غم ہونا، سخت اذیت گزرنا۔ یاڈ جگر پر چل گئیں چھریاں کسی مشتاق کے واں خبر یہ بھی نہیں ناز و ادا نے کیا کیا      ( ١٨٧٨ء، گلزار داغ، ٥٥ )

بہت زیادہ غم اٹھانا۔ کہ خور بھی دیکھ جس کو تھر تھرایا جگر ہر ماہ نے بھی داغ کھایا      ( ١٨٩٧ء، عشق نامہ، فگار، ٥ )

بے حد ملال ہونا۔ جگر کا خون ہو گیا یہ چھوٹ کھا کے پھٹ گیا کچھ ایسی سانس اکھڑ گئی کہ دم بھی پلٹ گیا      ( ١٩٢٥ء، شوق قدوائی، نیرنگ خیال، ٣٥ )

رشک و حسد سے جلنا۔ تنہا نہ منہ کو دیکھ جگر گل کا پھٹ گیا قد کی بھی شان دیکھ کے ہر سرو کٹ گیا      ( ١٨٣٠ء، کلیات نظیر، ٢ )

کلیجہ شق ہو جانا۔ پھٹ نہ گیا کیوں ترا ظالم جگر ڈوب مری کیوں نہ تو اے خیرہ سر      ( ١٩١١ء، کلیات اسماعیل، ٦٠ )

کلیجا پاش پاش ہونا، غم وغیرہ کی شدت سے صدمہ ہونا۔ ایک قطرے ہوا ناسخ مرا ٹکڑے جگر ہادہ گلگوں فراق یار میں زہر آب ہے      ( ١٨١٦ء، دیوان ناسخ، ٩٨:١ )

جگر پر صدمہ ہونا، خوف طاری ہونا، دل پریشان ہونا۔۔ برق چمکے گی جو فرقت میں تو اچھلے گا جگر دل بھر آئے گا جو آئے گی گھٹا ساون کی      ( ١٨٨٤ء، کلیات قدر، ٣١٣ )

کلیجا الٹ پلٹ کر دینا، دل دہلا دینا، گھبرا دینا، تباہ کر دینا۔ وہ سہانی رہے بجتی تری نوبت شب و روز کہ جگر دشمنوں کا دویں ٹکوریں ہی اُلٹ      ( ١٨١٨ء، کلیات انشا، ٢٥١ )

ہمت ٹوٹ جانا۔ لرزہ چڑھا ہر ایک جگر آب ہوگیا مقتل تمام معدنِ سیماب ہوگیا      ( ١٨٤٤ء، عروج سخن، ٣٢٩ )

(رنج و غم وغیرہ سے) کلیجے کے ٹکڑے ہونا، بہت زیادہ صدمہ ہونا۔ اے ذوق جانتا ہے وہ ہمدرد میرا درد دل جس کا پارہ پارہ جگر پاش پاش ہے      ( ١٨٥٤ء، دیوان ذوق، ١٨٩ )

دل کڑا کرلینا، شدت سے ضبط کرنا۔ تری گلی سے جب ہم عزم سفر کریں گے ہر ہر قدم کے اوپر پتھر جگر کریں گے      ( ١٨١٠ء، کلیات میر، ٢٩٤ )

انتہائی ضبط سے کام لینا، دل کڑا کر لینا، صبر کر لینا۔ اب نہ وہ حسرت وصل اور نہ وہ شکوہ ہجر اے بتو رکھ لیا ہم نے بھی جگر پر پتھر      ( ١٨٣٦ء، ریاض البحر، ٩٨ )

کلیجہ ٹھنڈا ہونا، سکون و آرام ملنا، تسکین ہونا، اطمینان ہونا۔ جو اشک ایذ رسا ہیں چشم ترکی عین راحت ہے کہ خون دل پئیں اطفال ٹھنڈا ہو جگر ماں کا      ( ١٨٧٨ء، سخن بے مثال، ١١ )

دلی صدمہ پہنچنانا، ہمت توڑ دینا۔ بہار آئی ہے، جھولے دامن گل چیں، کہا گل نے جگر خوں کر دیا صیاد کا نالوں سے بلبل نے      ( ١٨٥٤ء، غنچہ آرزو، ١٥٤ )

ہمت ٹوٹ جانا۔"بلکہ بہتیروں کے جگر پانی ہو کر بہہ گئے۔"      ( ١٨٠١ء، آرائش محفل، حیدری، ١٦٦ )

بہت زیادہ صدمہ ہونا، بڑا گہرا اثر ہونا۔ کس بلا کی یہ صدا تھی کہ جگر پانی ہے دوڑنا، خیر نہیں، ہائے کہیں دل ٹوٹا      ( ١٨٦٥ء، نسیم دہلوی، دیوان، ٦٦ )