حیران کر دینا، اچنبھے میں ڈال دینا۔ کیا صفائی رخ جاناں کی ہے اللہ اللہ دیکھنے والوں کو آئینہ بنا دیتی ہے      ( ١٩٢١ء، اکبر، کلیات، ١١:١ )

روشن کرنا، چمکانا۔'میں نے اپنے نفس کو آئینہ بنایا۔"      ( ١٩٢٤ء، تذکرۃ الاولیا (ترجمہ)، ١٦٨ )

آراستہ کرنا، سجانا؛ صاف ستھرا کرنا۔'سارے چمن کو آئینہ بنا رکھا تھا۔"      ( ١٩٣٥ء، چند ہم عصر، ٢٢٧ )

دیوار یا چوکھٹے وغیرہ میں شیشے یا آئینے کو پیوست کر دینا؛ چمکانا، بہت صاف و شفاف کرنا۔'کیا قلعی کیا ہے گویا در و دیوار میں آئینے جڑ دیے ہیں۔"      ( ١٩٢٤ء، نوراللغات، ٢١٩:١ )

صاف و شفاف کر کے چمکا دینا؛ واضح کر دینا۔ ہم کو حیرت ہے انھیں حسن نے آئینہ کیا وہ ہمیں دیکھتے ہیں اور انھیں ہم دیکھتے ہیں      ( ١٩٢١ء، گلکدہ عزیز، ٦٨ )

حیران کر دینا۔ آئینے نے کر دیا آئینہ میرے یار کو دیکھ کر وہ جلوہ اپنا آپ حیراں ہو گیا      ( ١٨٦٥ء، نسیم دہلوی، دیوان، ١١٠ )

آئینہ کرنا کا فعل لازم ہے۔'سید صاحب نے ایسے ایسے نقشے بنا کر محرروں کو دیے کہ بہ سہولت تمام ایک مہینے میں دفتر آئینہ ہو گیا۔"      ( ١٩٥٨ء، شاد کی کہانی شاد کی زبانی، ٧٣ )

معمولی صدمے سے آئینے میں ہلکی سی لکیر پڑ جانا۔ رونگٹے کب ہیں ان آئینوں میں ہیں پڑ گئے بال ہاتھ زانو پہ کبھی یار نے دے مارے ہیں      ( ١٨٥٣ء، وزیر، دفتر فصاحت، ١٣٤ )

دل میں فرق آنا۔ اصل ان کی ہے کیا وہی ہیں کیا مال آئینے میں دل کے آ گیا بال      ( ١٨٨١ء، مثنوی نیرنگ خیال، ١٦٠ )