آبرو کی حفاظت کرنا، عصمت محفوظ رکھنا۔"صرف اتنا اطمینان دلا دو کہ تم میری عزت بچا لو گی۔"      ( ١٨٩٦ء، فلورا فلورنڈا، ٢٦٦ )

آبرو میں فرق آنا، بدنامی ہونا۔"ہم ان کے بتائے ہوئے راستے پر چلے تو ان کی شہرت پر دھبہ اور ان کی عزت پر بٹا لگ جائے گا۔"      ( ١٩٨٢ء، آتش چنار، ٥٤٦ )

عزت برباد کرنا، ذلیل رسوا کرنا۔ خاک میں داغ ملاتے ہیں جو عزت تیری مر بھی کم بخت کہ ایسوں ہی سے تو ملتا ہے      ( ١٩٠٥ء، داغ (محاورات داغ)، ٢٧٣ )

بداعمالیوں سے اپنی عزت ضائع کر دینا، آبرو کھو دینا۔"اس نے اپنی عزت کو خاک میں ملا رکھا ہے۔"      ( ١٨٧٧ء، توبتہ النصوح، ١١٠ )

آبرو کی حفاظت کرنا، لاج رکھنا، نیک نامی برقرار رکھنا۔ جا کر اس بزم میں آ جاتی ہے شامت کیسی مرے اللہ نے رکھ لی مری عزت کیسی      ( ١٩٠٥ء، داغ (محاورات داغ) ٢٧٣ )

آبرو برباد کرنا، عصمت خراب کرنا، آبرو ریزی کرنا۔"باپ بھائی کے سامنے لڑکیوں کی عزت لوٹی۔"      ( ١٩٤٧ء، دھانی بانکپن، ٣٩ )